Aerial Yoga : शारीरिक लवचिकता अन् मानसिक शांती, एरियल योगाचे फायदे अनेक, कसा करायचा? Video

कोल्हापूर : योग हे तणाव दूर करण्याचे आणि शरीराला निरोगी करण्याचे जुने तंत्र आहे. याचे अनेक आरोग्यदायी फायदे असतात. अनेक जुनाट आजारांचा धोका देखील त्यामुळे कमी होऊ शकतात. एरियल योग हे पारंपारिक योगाचं नवं रूप आहे. हा योग शरीराला आधार देण्यासाठी हवेत हॅमॉकच्या मदतीने केला जातो. एरियल योगामध्ये, हॅमॉक छतावरून लटकत असतो आणि तुम्हाला तुमच्या पाठीवर, डोक्यावर, खांद्यावर आणि मणक्यावर कोणताही दबाव न आणता स्विंगच्या मदतीने वेगवेगळी आसने करावी लागतात. याबद्दलचं कोल्हापुरातील योगा ट्रेनर दीक्षा कदम यांनी माहिती दिली आहे.