World Blood Donor Day: सर्वात दुर्मीळ रक्तगट, ज्यांना रक्त मिळणंही कठीण, तुम्हाला माहितीय का?

रक्तदानाचे अनेक फायदे आहेत. फक्त रुग्णांचे जीवन वाचवण्यापुरतेच मर्यादित न राहता, दात्याचे आरोग्य सुधारण्यासही रक्तदान उपयुक्त ठरते. नियमित रक्तदान केल्याने शरीरातील अतिरिक्त लोहाची पातळी नियंत्रित राहते, ज्यामुळे हृदयविकाराचा धोका कमी होतो. तसेच, रक्तदानामुळे रक्तप्रवाह सुधारतो आणि रक्तदाब नियंत्रणात राहतो. रक्तदानामुळे शरीरातील विषारी पदार्थ बाहेर पडतात, ज्यामुळे शरीर तंदुरुस्त राहते. तसेच, रक्तदानाने रक्त तयार होण्याची प्रक्रिया सुरू होते, ज्यामुळे रक्ताची गुणवत्ता सुधारते.

रक्तगटांमध्ये काही रक्तगट अधिक सामान्य तर काही दुर्मिळ असतात. सामान्यतः O+ हा सर्वाधिक सामान्य रक्तगट आहे. त्याचबरोबर AB- हा सर्वात दुर्मिळ रक्तगट असून केवळ 1 टक्के लोकांमध्ये आढळतो. याशिवाय B-, A-, आणि AB+ हेही दुर्मिळ रक्तगट आहेत. अशा दुर्मिळ रक्तगटांच्या लोकांना जेव्हा रक्ताची गरज असते, तेव्हा त्यांना जुळणारे रक्त मिळवणे कठीण जाते. म्हणून, दुर्मिळ रक्तगट असणाऱ्यांनी नियमित रक्तदान करणे अत्यंत आवश्यक आहे आणि रक्तगटाची माहिती लोकांपर्यंत पोहोचवणे गरजेचे आहे.