Eye Care Tips: डोळे कोरडे पडत आहेत? डोळ्यातून पाणी येतंय ? हिवाळ्यात घ्या डोळ्यांची काळजी नाहीतर येईल पश्चातापाची वेळ

तज्ज्ञांच्या मते थंडीमुळे अनेकांचे डोळे पाणावात. जेव्हा थंड हवा बुबळांवर (कॉर्निया) आदळते डोळ्यांमधून पाणी येतं. कारण सामान्य तापमानापेक्षा कॉर्नियाचं तापमान कमी होऊ नये म्हणून अश्रू येतात. त्यामुळे डोळे उबदार राहतात. डोळ्यात पाणी आल्यामुळे डोळ्यांमध्ये असलेली घाण दूर होतेच मात्र त्या बरोबरच डोळ्यांचा कोरडेपणा कमी व्हायला मदत होते. त्यामुळे डोळे ओलावणे किंवा डोळ्यांमध्ये पाणी येणं सर्वसामान्य प्रक्रिया आहे. त्यामुळे घाबरून जाण्याची गरज नाहीये. मात्र काही कारणांमुळे तुमचे डोळे कोरडे पडू लागले किंवा त्यातून सतत पाणी येऊ लागतं. तर हा धोक्याचा इशारा ठरू शकतो. अशा वेळी थेट नेत्रतज्ज्ञांचा सल्ला घ्या.