Winter Care Tips for Eyes हिवाळ्यात डोळ्यांची ‘अशी’ घ्या काळजी; डोळे राहतील स्वस्थ आणि निरोगी

कडाक्याच्या थंडीचा विपरीत परिणाम डोळ्यांवर होऊ शकतो. त्यामुळे ज्या भागात तापमान कमी असतं अशा व्यक्तींना जर आधीच डोळ्यांचा त्रास असेल तर त्यांचे डोळे कोरडे पडणे किंवा सतत उडत राहण्याचा त्रास त्यांना सहन करावा लागू शकतो. यामुळे डोळ्यांवर ताण येऊ शकतो.अशा व्यक्तींनी त्यामुळे घराबाहेर पडताना किमान 3 वेळा डोळे धुवायला हवेत.

तज्ज्ञांच्या मते थंडीमुळे अनेकांचे डोळे पाणावात. जेव्हा थंड हवा (कॉर्निया) बुबळांवर आदळते डोळ्यांमधून अश्रू वाहू लागतात. कारण सामान्य तापमानापेक्षा कॉर्नियाचं तापमान कमी होऊ नये म्हणून अश्रू येतात. त्यामुळे डोळे उबदार राहतात. याशिवाय डोळ्यात पाणी आल्यामुळे डोळ्यांमध्ये असलेली घाण दूर होतेच मात्र त्या बरोबरच डोळ्यांचा कोरडेपणा कमी व्हायला मदत होते. त्यामुळे डोळे ओलावणे किंवा डोळ्यांमध्ये पाणी येणं सर्वसामान्य प्रक्रिया आहे. त्यामुळे घाबरून जाण्याची गरज नाहीये. मात्र तुमच्या डोळ्यांमध्ये सतत पाणी येत असेल तर एकदा नेत्रतज्ज्ञांकडून डोळ्यांची तपासणी करून घ्या.