Perfumesचे पीरियड्स, इनफर्टिलिटीशी कनेक्शन? जाणून घ्या पुरुषांनी का टाळावं

परफ्यूममध्ये विष? बहुतेक परफ्यूम इथेनॉल आणि आयसोप्रोपाइल अल्कोहोलपासून बनवले जातात, जे विषारी असतात. एखाद्या व्यक्तीची त्वचा सेन्सिटिव्ह असेल तर या परफ्यूममुळे त्यांना इन्फेक्शन होऊ शकतो. कधीकधी यामुळे कॉन्टॅक्ट डर्मेटाइटिस होतो. यामुळे त्वचेवर खाज सुटणे, लाल पुरळ येणे, पुरळ उठणे किंवा मुंग्या येणे असे प्रकार होतात. काही लोकांना परफ्यूम लावल्यानंतर लगेच खूप खाज सुटू लागते, याला वैद्यकीय भाषेत इरिटंट कॉन्टॅक्ट डर्मेटायटिस म्हणतात. काही लोकांमध्ये, या प्रकारची ऍलर्जी 48 ते 72 तासांच्या आत दिसून येते. याला ऍलर्जीक कॉन्टॅक्ट डर्मेटायटिस म्हणतात.

घड्याळ किंवा दागिन्यांमुळे होते मेटॅलिक रिअॅक्शन अनेकदा लोक मेटलची घड्याळ खरेदी करायला जातात तेव्हा दुकानदार त्यांना घड्याळ घालून परफ्यूम लावू नका असे अगोदरच सांगतात. यामुळे घड्याळाचा रंग खराब होईल. घड्याळाचा रंग कमी करणारा परफ्यूम तुमच्या त्वचेला किती हानी पोहोचवेल याची कल्पना करा. दिल्लीतील मॅक्स स्मार्ट सुपर स्पेशालिटी हॉस्पिटल, साकेतमध्ये डॉ. कशिश कालरा म्हणतात की, लोक अनेकदा घड्याळे किंवा दागिने घातल्यानंतर परफ्यूम लावण्याची चूक करतात. जर त्याचे थेंब घड्याळावर किंवा दागिन्यांवर पडले तर त्यामुळे मेटॅलिक रिअॅक्शन होऊ शकते आणि ती व्यक्ती कॉन्टॅक्ट डर्मेटायटिसला बळी पडू शकते. कधीकधी यामुळे फोड आणि सूज देखील येते.

एक्जिमा आणि सिरोसिस असलेल्यांनी टाळा उन्हाळ्यात अनेकदा घामामुळे लोकांना दाद, खाज, खुजली म्हणजेच गजकर्णचा त्रास होतो. एक्जिमा आणि सिरोसिस हे ऑटोइम्यून आजार असले तरी ते कोरड्या त्वचेला कारणीभूत ठरतात. कधी कधी तो खपल्यासारखा पडू लागतो. अशा व्यक्तींनी चुकूनही परफ्यूम लावू नये, असे त्वचारोगतज्ज्ञ डॉ.कशिश कालरा यांनी सांगितले.

परफ्यूममुळे श्वसनाचा त्रास होऊ शकतो परफ्यूममध्ये व्हॉलाटाइल ऑर्गेनिक कंपाउंड (VOCs) असतात. हे केमिकल कण पेंटमध्ये देखील आढळतात. ज्यांची फुफ्फुसे कमकुवत आहेत अशा लोकांना हे कण हानी पोहोचवतात. त्याचबरोबर अस्थमासारख्या श्वसनाच्या आजाराने ग्रस्त असलेल्या रुग्णांना परफ्यूम लावण्यास मनाई आहे.

मुलांमध्ये इनफर्टिलिटीचे कारण परफ्यूम हे अनेक केमिकल्सचे कॉकटेल आहे. अमेरिकन एन्व्हायर्नमेंट वर्किंग ग्रुपने केलेल्या अभ्यासात असे दिसून आले आहे की, परफ्यूममधील विषारी केमिकल मानवाच्या प्रजनन क्षमतेवर परिणाम करतात. स्कॉटलंडमधील एडिनबर्ग युनिव्हर्सिटीमध्ये झालेल्या एका संशोधनात हे पुरुषांमधील वंध्यत्वाचे कारण मानले गेले. संशोधनात असे दिसून आले आहे की गरोदर स्त्रिया ज्या गर्भधारणेदरम्यान सतत परफ्यूम वापरतात त्यांच्या गर्भाशयात वाढणाऱ्या बाळावर परिणाम होतो. जर बाळ मुलगा असेल, तर गर्भधारणेच्या 8 ते 12 आठवड्यांच्या दरम्यान, त्याच्या रिप्रॉडक्टिव्ह सिस्टिमवर परिणाम होऊ लागतो, ज्यामुळे तो भविष्यात वंध्यत्वाचा बळी ठरतो. खरंतर परफ्यूम स्पर्मची संख्या कमी करते.

हार्मोन्सचे बिघडते संतुलन जगात केलेल्या अनेक अभ्यासात असे म्हटले आहे की सुगंधी गोष्टींचा हार्मोन्सवर परिणाम होतो. क्लिव्हलँड क्लिनिकच्या मते, ज्यावेळी परफ्यूमचा सुगंध श्वासात घेतला जातो तेव्हा मेंदूतील न्यूरॉन्स एंडोक्राइन सिस्टमला सिग्नल पाठवतात ज्यामुळे हार्मोन्स वेगाने बाहेर पडू लागतात. ज्यावेळी शरीरात हार्मोन्समध्ये जास्त चढ-उतार होतात तेव्हा ते असंतुलित होतात. त्यामुळे थकवा, थायरॉईड, पीसीओएस, अनियमित पीरियड्स, फर्टिलिटी आणि लिबिडोची कमतरता यासारख्या समस्या सुरू होतात.

परफ्यूम पॉयझनिंगने उलट्या आणि अतिसार काहींना परफ्यूमचा वास येताच डोकेदुखीचा त्रास सुरू होतो. काहींना उलट्याही सुरू होतात. अनेक वेळा परफ्यूम लावताना त्याचे थेंबही तोंडात जातात. यामुळे काही लोकांचे पोट बिघडते. उलट्या आणि जुलाबासह त्यांना बेशुद्ध झाल्यासारखे वाटू लागते. मुलांनी चुकून ते प्यायल्यास त्यांच्या रक्तातील साखर अचानक कमी होते. याला परफ्यूम पॉयझनिंग म्हणतात. अशी लक्षणे दिसताच एखाद्याने ताबडतोब डॉक्टरांचा सल्ला घ्यावा.

पॅच टेस्ट आवश्यक प्रत्येक व्यक्तीने परफ्यूम लावण्यापूर्वी पॅच टेस्ट करायला हवी, असे स्किन स्पेशलिस्टचे मत आहे. परफ्यूम मनगटावर लावावे आणि 1 दिवस सोडावे. जळजळ होत असेल तर ते लावणे टाळा. काही लोक आंघोळ, शेव्हिंग किंवा वॅक्सिंग केल्यानंतर लगेच परफ्यूम लावण्याची चूक करतात. अत्तर नेहमी मनगटावर, मानेवर किंवा कानाच्या मागे लावावे. चुकूनही अंडरआर्म्सवर परफ्यूम लावू नका. अंगावर कुठेतरी जखम झाली असेल किंवा कातडी कापली असेल तरी ते लावणे टाळा.