Tips And Tricks : कोणत्याही केमिकलशिवाय घरातील उंदीर जातील पळून! इन्फ्लुएन्सरने सांगितला सोपा उपाय

उंदरांना घरातून घालवण्यासाठी तुम्हाला 'टरपेंटाइन तेल' लागेल. हे तेल कोणत्याही किराणा दुकानात, हार्डवेअरच्या किंवा पेंटच्या दुकानात सहज मिळेल. विशेष म्हणजे हे जास्त महाग सुद्धा नाहीये. मात्र त्यासाठी उच्च-गुणवत्तेचं आणि शुद्ध टरपेंटाइन तेलच वापरा. काटा शुद्ध तेलाचा वास तीव्र असतो आणि त्यामुळेच उंदीर पळून जातील.

या तेलाचा वापर तुम्ही दोन पद्धतीनं करू शकता. पहिल्या पद्धतीत 'टरपेंटाइन तेल' चा एक स्प्रे बनवा. यासाठी साधी स्प्रे बॉटल घ्या. ही बॉटल स्वच्छ असावी. आता या बॉटलमध्ये टरपेंटाइन तेल भरा. हे तेल थेट घराच्या त्या कोपऱ्यांमध्ये फवारा जिथे उंदीर असण्याची शक्यता जास्त आहे. तुम्ही हे सिंकखाली, सोफ्याच्या मागे किंवा कपाटाच्या कोपऱ्यांमध्ये स्प्रे करू शकता.

हे तेल तुम्हाला स्प्रे करायचं नसेल तर तुम्ही दुसरी पद्धत वापरू शकता. यासाठी तुम्हाला टरपेंटाइन तेल आणि कापूस लागेल. कापसाचे मोठे-मोठे गोळे बनवा. हे कापसाचे गोळे टरपेंटाइन तेलात बुडवा. हे तेलात भिजवलेले गोळे उंदीर जिथे असतात त्या सर्व ठिकाणी ठेवा. सिलेंडरमागे, वॉशबेसिनखालच्या पाईपजवळ, स्टोअर रूममध्ये, कपाटांवर आणि पडद्यांच्या मागे. तुम्ही हे गोळे ठेऊ शकता. रात्री उंदीर बाहेर आल्यानंतर या तेलाचा तीव्र वास त्यांना सहन होत नाही आणि ते घरातून पळतात.