Winter Health : हिवाळ्यात उबदार कपडे घातल्याने अंगाला खाज येते? 'ही' आहेत कारणं, वेळीच करा उपाय

मुंबई : हिवाळा सुरू झाला आहे. डिसेंबरच्या पहिल्या आठवड्यापासूनच थंडीने जोर पकडला आहे. त्यामुळे मुंबई, पुण्यासह राज्यभरात थंडी जाणवत आहे. अनेक जिल्ह्यांता तापमान 10 अंशाच्या खाली गेले आहे. त्यामुळे थंडीपासून वाचण्यासाठी अनेक जण उबदार कपडे घालण्यास प्राधान्य देत आहे. परंतु अनेकांना उबदार कपडे घातल्यावर त्वचेत खाज सुटणे, लाल पुरळ येणे किंवा चुरचुर होणे याचा त्रास जाणवतो. त्वचा कोरडी पडल्यामुळे आणि वूलन फायबर थेट स्किनला लागल्यामुळे ही समस्या अधिक वाढते. रात्री झोपताना किंवा शरीर गरम झाल्यावर खाज अधिक जाणवते. त्यामुळे हिवाळ्यात ऊब तर हवीच, पण सोबत त्वचेला त्रास होऊ नये यासाठी काही सोपे उपाय तुम्ही करू शकता.