ज्याच्यासाठी वडिल विनोद खन्नांनी कुटुंब-करिअर सगळंच सोडलं, अक्षय खन्ना त्या ओशोला मानतो का?

अभिनेते विनोद खन्ना यांनी करिअर यसाच्या शिखरावर असताना संन्यास घेण्याचा निर्णय घेतला. त्यांचा हा निर्णय वैयक्तिक आयुष्यालाच नाही तर त्यांच्या मुलांनाही मोठा धक्का देऊन गेला. विनोद खन्ना हे ओशो आश्रमात गेले तेव्हा अभिनेता अक्षय खन्ना तेव्हा फक्त 5 वर्षांचा होता. या वयात वडिलांनी अचानक सोडून जाणं त्याच्यासाठी खूप धक्कादायक होतं.

ओशो आश्रमात गेलेले विनोद खन्ना तब्बल चार वर्षांनू घरी परतले.  या काळात त्यांची पत्नी गीतांजली तलेयारखान यांनी दोन्ही मुलांना सांभाळण्याची मोठी जबाबदारी उचलली. परिस्थिती कठीण होती, परंतु त्यांनी मुलांना एकट्याने वाढवण्याचा निर्णय घेतला.

विनोद खन्ना ओरेगॉनस्थित ओशो आश्रमात जवळपास चार वर्ष राहिले आणि नंतर भारतात परतले. हा काळ कुटुंबासाठी परीक्षा पाहणारा ठरला. वडील नसताना घरातील वातावरण, आर्थिक परिस्थिती आणि भावनिक ताण या सगळ्याचा परिणाम अभिनेता अक्षयवरही झाला.

अक्षय खन्ना त्याच्या फिल्मी करिअरमध्ये तितकाचा यशस्वी झाला नाही. वयाच्या पन्नाशीत त्यानं बॉलिवूडमध्ये दमदार कमबॅक केलं आणि आपली नवी ओळख निर्माण केली. अक्षय खन्नाने अजूनही लग्न केलं नाही. वयाच्या पन्नाशीत तो एकट्यानं आयुष्य जगतोय. इतक्या वर्षात कोणत्या अभिनेत्रीबरोबर त्याच्या अफेअरचीही चर्चा पाहायला मिळाली नाही. 

अक्षय खन्नाने लग्न केलं नाही. त्याला लग्नात कोणताही रस नाही. तो स्वत: ला मी मॅरेज मटेरियल नसल्याचं सांगतो. साऊथ मुंबईच्या घरात तो एकटा राहतो. तो प्रचंड फूडी आहे. त्याला एकटं राहायला आवडतं.

अक्षय खन्ना त्याच्या वडिलांप्रमाणे संन्यास घेणार का? तो देखील वडिलांसारखा ओशोला मानतो का? असा प्रश्न त्याला विचारण्यात आला होता. एका जुन्या मुलाखतीत बोलताना अक्षय खन्ना म्हणाला होता, "मी ओशोंची अनेक प्रवचनं वाचली आहेत. व्हिडिओ पाहिले आहेत. मी त्यांच्यावर खूप प्रेम करतो."

अक्षयने पुढे सांगितलं, "मी संन्यास घेईन की नाही हे माहिती नाही. "मी संन्यास घेईन की नाही हे माहिती नाही पण याचा अर्थ असा होता नाही की मी त्यांच्या प्रवचनांचा आनंद घेऊ शकत नाही किंवा त्यांचा विचारांचा सन्मान करू शकत नाही. माझ्या मनात त्यांच्याविषयी खूप सन्मान आहे."