साखर, मध की गूळ? झटकन वजन कमी करण्यासाठी काय उपयुक्त?

मुंबई, 12 ऑक्टोबर :  आजच्या धावपळीच्या जगात माणसाची जीवनशैली खूप बदलली आहे. बैठ्या कामांचं प्रमाण जास्त, मानसिक ताण जास्त, शारीरिक व्यायाम आणि हालचाली कमी, जंक फूड आणि फास्ट फूडचं सेवन जास्त असं सर्वसाधारणपणे बहुतांश जणांच्या बाबतीत पाहायला मिळतं. त्यामुळे अनेकांना लठ्ठपणाचा विकार जडला आहे. अनेकांना डायबेटीसही होतो. त्याच्या जोडीने येणारा हृदयविकारही होतो. हे सगळं तरुण वयातही पाहायला मिळतं, ही दुर्दैवाची गोष्ट आहे. वजन कमी करण्यासाठी साखर कमी खावी असा सल्ला जवळपास प्रत्येक जण देतो. काही जण ब्लड शुगर नियंत्रित करण्यासाठी किंवा अगदी वजन कमी करण्यासाठीही साखरेऐवजी गूळ किंवा मध खाण्याचा सल्ला देतात. त्यामुळे गोंधळून जायला होतं. त्याविषयी थोडी माहिती घेऊ या.