Diabetes Symptoms : 'ही' लक्षणे दिसताच व्हा सावधान, असू शकते डायबिटीसची सुरुवात

Symptoms of Diabetes :डायबेटीस हा रक्तातल्या साखरेच्या अतिरिक्त प्रमाणाशी संबंधित आजार आहे. त्याला 'सायलेंट किलर' असंही म्हणतात. कारण, हा आजार हळूहळू सर्व महत्त्वाच्या अवयवांना बिघडवण्याचं काम करतो. यामध्ये प्रामुख्याने हृदय, मेंदू, किडनी, लिव्हर आणि डोळे यांचा समावेश होतो. याशिवाय शरीराच्या प्रत्येक कार्यावर डायबेटीसमुळे परिणाम होतो. हा आजार झाल्यास शरीर पुरेसं इन्सुलिन तयार करू शकत नाही आणि इन्सुलिन तयार झालंच तर त्याचा योग्य वापर करण्यात अडचणी येतात. त्यामुळे इन्सुलिनच्या कमतरतेमुळे शरीरात साखरेचं प्रमाण वाढू लागतं. सध्याची स्थिती बघता देशात डायबेटिक रुग्णांची संख्या झपाट्याने वाढत आहे.