ऑफिस पार्टीमधलं फॅन्सी कॉकटेल प्यायला आणि तरुणाचं पोटच फाटलं; धक्कादायक प्रकरणामुळे सोशल मीडियावर खळबळ

रशियाची राजधानी मॉस्को येथे एका कॉर्पोरेट पार्टीचं आयोजन करण्यात आलं होतं. पाहुण्यांना आकर्षित करण्यासाठी तिथे एका 'मिक्सोलॉजिस्ट'ला (कॉकटेल बनवणारा तज्ज्ञ) बोलावण्यात आलं होतं. हा तज्ज्ञ 'लिक्विड नायट्रोजन' (Liquid Nitrogen) वापरून अतिशय आकर्षक आणि धूर निघणारे कॉकटेल्स बनवत होता. लिक्विड नायट्रोजनमुळे ड्रिंक पटकन थंड होतं आणि त्यातून पांढरा दाट धूर निघतो, जो दिसायला खूपच 'कुल' वाटतो.

त्या व्यक्तीला तातडीने रुग्णालयात दाखल करण्यात आलं. डॉक्टरांनी तपासणी केली असता धक्कादायक वास्तव समोर आलं. लिक्विड नायट्रोजन पोटात गेल्यामुळे त्या व्यक्तीचं पोट फाटलं होतं. लिक्विड नायट्रोजन हे उणे 196 अंश सेल्सिअस इतकं थंड असतं. जेव्हा ते शरीराच्या आत जातं, तेव्हा ते वेगाने वायूत रूपांतरित होतं आणि प्रचंड दाब निर्माण करतं. याच दाबामुळे त्या तरुणाचं पोट आतून फाटलं. डॉक्टरांना त्याचे प्राण वाचवण्यासाठी तातडीने मोठी शस्त्रक्रिया करावी लागली.

लिक्विड नायट्रोजनचा वापर खाद्यपदार्थांमध्ये करणं बेकायदेशीर नाही, पण तो वापरताना अत्यंत कडक नियम पाळवे लागतात. जोपर्यंत त्यातील धूर पूर्णपणे निघून जात नाही आणि नायट्रोजन हवेत विरत नाही, तोपर्यंत ते पिणं किंवा खाणं मृत्यूला आमंत्रण देण्यासारखे आहे. या प्रकरणात, बारटेंडरने ग्राहकाला ही सूचना दिली नव्हती, की धूर पूर्णपणे थांबल्याशिवाय हे पेये पिऊ नका.

1. धूर निघणारे पदार्थ टाळा: जर तुम्हाला खात्री नसेल की समोरील व्यक्ती तज्ज्ञ आहे, तर अशा 'फॅन्सी' ड्रिंक्सपासून लांब राहा.