Railway compensation News: वेळेवर स्टेशनवर पोहोचूनही ट्रेन चुकली? रेल्वे प्रशासन देणार भरपाई, ग्राहक न्यायालाचा मोठा निर्णय

ही घटना 29 फेब्रुवारी 2024 ची आहे. गाझियाबादमधील मुरादनगरचे रहिवासी अनुभव प्रजापती, त्यांची पत्नी प्रियंका आणि मुले छत्तीसगड एक्सप्रेसने झाशीला जाण्यासाठी गाझियाबाद रेल्वे स्टेशनवर पोहोचले होते. त्यांची ट्रेन पहाटे 3:20 वाजता प्लॅटफॉर्म क्रमांक 3 वरून सुटणार होती. ते वेळेवर स्टेशनवर पोहोचले आणि वेटिंग रूममध्ये थांबले. त्यानंतर, ट्रेन 40 मिनिटे उशिरा येणार असल्याची घोषणा झाली. ते 3:25 वाजता प्लॅटफॉर्म 3 वर गेले. पण तिथे अयोध्या एक्सप्रेस उभी होती, जी 45 मिनिटांपेक्षा जास्त वेळ थांबली होती.

ग्राहक न्यायालयात सुनावणी दरम्यान, रेल्वे अधिकाऱ्यांनी कोणताही लेखी जवाब दिला नाही. रेल्वेच्या वकिलांनी तोंडी सांगितले की जर ट्रेन तीन तासांपेक्षा जास्त उशीर झाली असती, तर तिकिटाचे पैसे परत मिळू शकले असते, पण ही ट्रेन तेवढी उशीर झाली नव्हती. जरी ग्राहक न्यायालयाने हे मान्य केले की परताव्यासाठी कोणतेही तांत्रिक कारण नव्हते, तरीही ट्रेनच्या आगमना-प्रस्थापनाची योग्य घोषणा न झाल्यामुळे प्रवाशांची ट्रेन चुकली आणि कुटुंबाला त्रास सहन करावा लागला.

ग्राहक न्यायालयाने म्हटले, "रेल्वे प्रशासनाने घोषणेचा कोणताही पुरावा सादर केला नाही, जी सेवेत त्रुटी आहे, ज्यामुळे प्रवाशांची ट्रेन चुकली आणि त्यांना मानसिक त्रास झाला." 23 जूनच्या आदेशात स्टेशन अधीक्षक, स्टेशन मास्तर, विभागीय रेल्वे व्यवस्थापक आणि उत्तर रेल्वेच्या महाव्यवस्थापकांना 45 दिवसांच्या आत नुकसान भरपाई देण्याचे निर्देश दिले आहेत. या संदर्भात उत्तर रेल्वेचे म्हणणे आहे की, प्रथम या प्रकरणाची चौकशी केली जाईल की घोषणा झाली होती की नाही. नसेल, तर त्याचे कारण काय होते? यानंतर पुढील प्रक्रिया पूर्ण केली जाईल.