Kamal Mudra : कमळ मुद्रेनं होते अस्वस्थता कमी, पाहूया कमळ मुद्रा कशी करायची आणि या आसनाचे आणखी फायदे
- Published by:Renuka Joshi
Last Updated:
शारीरिक आणि मानसिक थकव्यावर एक चांगला उपाय म्हणजे योगासनं. योगामुळे आयुष्य संतुलित व्हायला मदत होते. काही योगासनांचा खोलवर परिणाम होतो. यापैकी एक म्हणजे सुखासनातील पद्म मुद्रा, ज्याला कमळ मुद्रा असंही म्हणतात. या मुद्रेमुळे शरीराला स्थैर्य मिळतं.
मुंबई : प्रत्येकाची दिनचर्या वेगळी असते, त्यात व्यायाम करायला, शांत बसायला वेळ मिळतोच असं नाही. शरीराबरोबरच मनही थकतं.
शारीरिक आणि मानसिक थकव्यावर एक चांगला उपाय म्हणजे योगासनं. योगामुळे आयुष्य संतुलित व्हायला मदत होते. काही योगासनांचा खोलवर परिणाम होतो. यापैकी एक म्हणजे सुखासनातील पद्म मुद्रा, ज्याला कमळ मुद्रा असंही म्हणतात. या मुद्रेमुळे शरीराला स्थैर्य मिळतं.
advertisement
पद्म मुद्रा. संस्कृतमधे पद्म म्हणजे कमळ. जेव्हा हे आसन सुखासनात बसून केलं जातं तेव्हा शरीर नैसर्गिकरित्या स्थिर राहतं आणि अंतर्मुख व्हायाला मदत होते. सुखासनात पद्ममुद्रा केल्यानं शरीरात ऊर्जेचा संचार वाढतो. हे आसन हृदयचक्रांशी थेट जोडल्याचं मानलं जातं. भावनिक ताण, भीती किंवा नकारात्मक विचारांशी झुंजणाऱ्यांना या आसनाचा फायदा होऊ शकतो.
नियमित सरावानं भावनिक संतुलन सुधारायला मदत होते आणि मनावरचा ताण दूर व्हायला मदत होते.
advertisement
मानसिक आरोग्यासाठी सुखासन म्हणजेच कमळ आसनही प्रभावी मानलं जातं. या आसनामुळे खोल आणि शांत श्वास घेण्यास मदत होते, ज्यामुळे मज्जासंस्था शांत होते.
या आसनामुळे ताण आणि चिंतेच्या काळात मन शांत होण्यास मदत होते. या सरावामुळे नैराश्य आणि चिंता यासारख्या समस्या हळूहळू कमी होतात. पद्म मुद्रा करताना, शरीर पॅरासिम्पेथेटिक मज्जासंस्था सक्रिय करते, ज्यामुळे पचन सुधारतं.
advertisement
ज्यांना आम्लपित्त, अपचन किंवा पोटाच्या समस्या आहेत त्यांना या आसनाच्या नियमित सरावानं आराम मिळू शकतो. हे आसन शरीरातील ऑक्सिजन प्रवाह संतुलित करतं, थकवा कमी करतं आणि उर्जेची पातळी सुधारतं. पद्ममुद्रेचा नियमित सराव केल्यानं मन शांत होतंच, शिवाय विचार हळूहळू सकारात्मक आणि आयुष्य संतुलित होण्यास मदत होते.
Location :
Mumbai,Maharashtra
First Published :
Feb 12, 2026 6:53 PM IST
मराठी बातम्या/लाइफस्टाईल/
Kamal Mudra : कमळ मुद्रेनं होते अस्वस्थता कमी, पाहूया कमळ मुद्रा कशी करायची आणि या आसनाचे आणखी फायदे
