उपवासाला नेहमीचे तेच तेच पदार्थ खाऊन कंटाळा आलाय? महाशिवरात्रीला बनवा 'ही' वेगळी रेसिपी Video

दोन बटाटे, दोन रताळ, उपासासाठी चालणारे कोणतेही पीठ, हिरवी चटणी, गोड लाल चटणी, दही, उपवासाचा चिवडा, ड्राय फ्रुट्स हे साहित्य लागेल.

हिरवी चटणी तयार करण्यासाठी हिरवी मिरची, कोथिंबीर आणि मीठ टाकून हे मिक्सरमधून काढून घ्यायचं आणि त्यावर लिंबू पिळून झाले की ही हिरवी चटणी तयार होते. गोड चटणी तयार करण्यासाठी आमचूर पावडर पाण्यात मिक्स करायचे. त्यामध्ये थोडासा गूळ घालायचा आणि हे मिश्रण शिजवून घ्यायचं. शिजवून झाल्यानंतर त्याला फोडणी घालायची. त्यामध्ये तूप आणि थोडेसे जिरे घालून आणि तिखट घालायचं आणि हे मिश्रण गरम करून घ्यायचं अशा प्रकारे लाल गोड चटणी तयार होते. दही हे फेटून घ्यायचं त्यामध्ये मीठ आणि साखर घालायची आणि हे दही तयार होते.

एका डिशमध्ये टिक्की घ्यायची त्यावरती प्रथम गोड चटणी टाकायची नंतर हिरवी चटणी टाकायची. त्यानंतर वरतून दही टाकायचे आणि परत हिरवी आणि गोड चटणी टाकायची आणि सगळ्यात शेवटी उपासाचा चिवडा टाकायचा. अश्या प्रकारचे तुमचे चाट तयार होईल. त्यामुळे महाशिवरात्रीला हे चॅट तुम्ही नक्की घरी ट्राय करा.