Soybean Paratha: मुलांना शाळेत डब्यामध्ये काय द्यायचं? चिंता सोडा, फक्त 10 मिनिटांत बनवा सोयाबीनचा पराठा, खातील आवडीने

एक वाटी गव्हाचे पीठ, सोयाबीनच्या वड्या, पाणी, कोथिंबीर, चवीनुसार मीठ, लाल तिखट, लसूण, साजूक तूप, पिझ्झा पास्ता मसाला हे साहित्य लागेल.

सर्वप्रथम एका मोठ्या भांड्यात एक वाटी गव्हाचा पीठ घ्यायचं. त्यामध्ये दोन चमचे साजूक तूप टाकायचं. ते एकत्र करून घ्यायचं आणि गरजेनुसार पाणी टाकून मऊसुत असा गोळा तयार करून घ्यायचा. गोळा थोडा वेळ बाजूला ठेवायचा. सोयाबीनच्या वड्या या दहा ते पंधरा मिनिटं पाण्यामध्ये भिजत ठेवायच्या. त्यानंतर ह्या वड्यातलं सगळं पाणी व्यवस्थित काढून घ्यायचं. मिक्सरच्या भांड्यात टाकून या वड्या बारीक करून घ्यायच्या. आता या बारीक झालेल्या वड्यामध्ये तुम्ही तिखट, लसूण, मीठ, पिझ्झा पास्ता मसाला, कोथिंबीर टाकून हे मिश्रण एकजीव करून घ्यायचं. आता तयार केलेल्या गोळ्याची पोळी लाटून घ्यायची.