पावसाळ्यात बनवा चटपटीत कॉर्न, फक्त 5 मिनिटांत रेसिपी तयार

चटपटीत कॉर्नसाठी घरातीलच साहित्य आवश्यक आहे. उकडलेल्या मक्याचे दाणे एक वाटी, मसाला, गरम मसाला, हळद, मीठ, तेल, बारीक चिरलेली कोथिंबीर आणि लिंबू हे साहित्य या चटपटीत रेसिपीसाठी आवश्यक आहे.

सर्वप्रथम उकडलेला मका थंड करा. गॅसवर कढई ठेवून कढई थोडी गरम होईपर्यंत तापवा. त्यानंतर कढईत थोडं तेल टाका. कढईतलं तेल तापल्यानंतर त्या तेलात आपले उकडलेले मक्याचे दाणे टाका. 5 मिनिटांनी परतून घेतल्यानंतर त्यात मसाला, हळद, गरम मसाला आणि मीठ टाकून परतून घ्या. पुन्हा पाच मिनिटे परतल्यानंतर त्यावर कोथिंबीर घाला आणि प्लेटमध्ये सर्व्ह करा. त्यावर लिंबू पिळला की टेस्ट आणखी चटपटीत लागते.