ओल्या तुरीच्या दाण्यांची विदर्भ स्टाईल रेसिपी, हिवाळ्यात बनवा झणझणीत झुणका

अमरावती: हिवाळ्यामध्ये विदर्भात ओल्या तुरीच्या दाण्यापासून अनेक पदार्थ बनवले जातात. त्यातीलच एक म्हणजे ओल्या तुरीच्या दाण्याचा झुणका. विदर्भातील सर्वजण हा पदार्थ अगदी आवडीने बनवतात. हिरवी मिरची वापरून बनवलेला झणझणीत झुणका भाकरी सोबत अतिशय टेस्टी लागतो. काही वेळा हाच झुणका चटणी म्हणून सुद्धा वापरला जातो. हिवाळा सुरू झाला की, विदर्भात नवनवीन पदार्थाची मेजवानी सुरू होते. त्यापैकी एक असलेला आणि कमीतकमी वेळात तयार होणारा विदर्भ स्टाईल ओल्या तुरीच्या दाण्याचा झुणका कसा बनवायचा? याची रेसिपी अमरावतीतील गृहिणी जया भोंडे यांनी सांगितली आहे.

सारण खूप मोकळं वाटत असेल तर तुम्ही त्यात पाण्याचा फुलवा देऊ शकता. त्यानंतर ते थोडा वेळ झाकण ठेवून शिजवून घ्यायचं. त्यांनतर त्यात कोथिंबीर घालायची. झुणका खाण्यासाठी तयार होतो. हा झुणका ठेचा,भाकरी आणि कांद्यासोबत अतिशय टेस्टी लागते. हाच झुणका तुम्ही कच्चे दाणे वापरून सुद्धा करू शकता. त्याची टेस्ट यापेक्षा खूप वेगळी लागेल.

दरम्यान, हिवाळ्यात येणारे तुरीचे दाणे आरोग्यदायी मानले जातात. विदर्भात ओल्या तुरीच्या दाण्यांच्या विविध रेसिपी बनवल्या जातात.