What to Eat with Bajra: बाजरीची भाकरी खाताय? ‘या’ गोष्टींची घ्या काळजी; अन्यथा फायद्याऐवजी होईल नुकसान

मुंबई: असं म्हणतात वेळ ही प्रत्येकाची येते. सध्याच्या धकाधकीच्या जीवनात असंच काहीसं झाल्यासारखं दिसून येतं. काही वर्षांपूर्वी काळा चहा किंवा कोऱ्या चहाला गरीबांचं पेय म्हणून हिणवलं जात होतं. ज्वारी, बाजरी सारखं धान्य हे गरीबांचं धान्य म्हणून त्याकडे पाहिलं जायचं. मात्र आता गव्हाच्या दुष्परिणामांमुळे अनेक जण ज्वारी, बाजरी, नाचणीच्या भाकरी खाऊ लागलेत. काही जण तर सगळी पिठं एकत्र करून मल्टीग्रेन पिठाच्या भाकरी किंवा चपात्या खाऊ लागले आहेत. गावरान मटनासोबत ज्वारीची भाकरी असली की फक्कड बेत जमतो. अनेक जण फिरायला गेले की, हॉटेलमध्ये ज्वारी किंवा बाजरीची भाकरी खाणं पसंत करतात. बाजरी ही आरोग्यासाठी गुणकारी आहे. हिवाळ्यात बाजरी खाल्ल्याने अनेक फायदे होतात. मात्र बाजरीची भाकरी खाताना काळजी ही घ्यायलाच हवी अन्यथा ती आरोग्यासाठी अपायकारक ठरू शकते.