आता केमिकल टाकण्याचीही गरज नाही, फक्त हे एक काम करा, घरात अनेक वर्ष खराब होणार नाही गहू

21 व्या शतकात लोकं गहू खराब होऊ नये म्हणून गव्हाला केमिकल किंवा त्यामध्ये औषधीचा वापर करुन ठेवतात. मात्र, केमिकल टाकलेला हा गहू नुकसानदायक असते. म्हणून मध्यप्रदेशात अनेक शतकांपासून गहूमध्ये राख मिसळण्याची परंपरा आहे. हा उपाय केल्याने तुम्हाला कोणतीही समस्या नसते, तसेच तुमच्या आरोग्यालाही धोका नसतो.

गव्हामध्ये विविध प्रकारचे कीटक तयार होऊन जातात किंवा त्याला बुरशी लागते म्हणून वर्षभरासाठी गहू खरेदी केल्यावर त्याला सुरक्षित ठेवणे हे सर्वांसमोर मोठे आव्हान असते. म्हणून आपला मेहनतीच्या पैशांनी घेतलेला गहू खराब होऊ नये म्हणून अनेक जण गहू सुरक्षित ठेवण्यासाठी विविध प्रकारच्या गोळ्या गव्हाच्या गोणीत टाकतात किंवा या गव्हावर केमिकल शिंपडतात.

फक्त उन्हाळ्यात वीटभट्टी किंवा भांडे तयार करण्यासाठी इंधनाचा वापर केला जातो. हे इंधन अनेक दिवस जळत राहते. जेव्हा मातीपासून बनवलेली वस्तू तयार होते, तेव्हा त्यात फक्त राख उरते. अशावेळी मजूर हे विटा किंवा मातीची भांडी काढतात आणि राख फेकून देतात. या राखेला अवाची राख म्हणतात. पण मध्यप्रदेशातील लोक भट्टीतून ही राख उचलून घरी आणतात आणि गव्हात मिसळून ठेवतात. यामुळे वर्षानुवर्षे गव्हावर किडे येत नाहीत आणि गहू खराब होत नाहीत.

भट्टीतून आणलेली राख आधी शुद्ध करावी लागते. कारण यामध्ये दगड वगैरे असतात. यामुळे तिला गाळून घ्यावी लागते. यानंतर धान्याच्या गोणीवर टाकून द्यावी. गव्हात मिसळून द्यावी. यानंतर जिथे पावसाळ्याच्या दिवसात ओलावा नसेल आणि इतर दिवशी हवा देखील उपलब्ध नसेल, अशा ठिकाणी या गव्हाला ठेवावे.