मुंबई: पुढील काही दिवस रेल्वे प्रवासी वाहतुकीच्या दृष्टीने अतिशय महत्त्वाचे ठरणार आहेत. 9 ऑगस्ट रोजी रक्षाबंधन असून 15 ऑगस्ट रोजी देशभर स्वातंत्र्य दिन साजरा केला जाईल. या दोन्ही दिवशी प्रवाशांच्या संख्येत मोठ्या प्रमाणात वाढ होते. प्रवासी संख्या वाढल्यानंतर प्रवाशांना कोणताही त्रास होऊ नये यासाठी मध्य रेल्वेकडून विशेष ट्रेन सोडल्या जाणार आहेत. रक्षाबंधन आणि स्वातंत्र्य दिनानिमित्त प्रवाशांच्या सोयीसाठी मध्य रेल्वे 18 विशेष गाड्या चालवणार आहे.