हनिमूनला जायचंय तर या रेल्वेने जा, एकाच प्रवासात फिरता येणार 13 देश अन् तेही तुमच्या बजेटमध्ये...

पोर्तुगाल ते सिंगापूर असा प्रवास : मिररच्या वृत्तानुसार, ही ट्रॅन प्रवाशांना पोर्तुगालपासून सिंगापूरपर्यंत नेते. हा जगातील सर्वात लांब रेल्वे प्रवास मानला जातो. या प्रवासात एकूण 21 दिवस लागतात. मार्गावर अनेक अडचणी येऊ शकतात, त्यामुळे काही महिनेही लागू शकतात. कारण ही ट्रॅन 18, 755 किलोमीटरचा प्रवास करते. ती तुम्हाला युरोपच्या सुंदर देशांमध्ये घेऊन जाईल आणि तुम्हाला सायबेरियाच्या थंड प्रदेशांचाही दौरा करून देईल. तसेच तुम्ही आशियातील उष्ण प्रदेशांनाही भेट देऊ शकाल.

भाडं किती असेल? : तुम्हाला वाटत असेल की इतकं लांब अंतर आणि स्पेशल ट्रॅन असल्यामुळे भाडंही खूप जास्त असेल. असा काहीच प्रकार नाही. या ट्रॅनचं भाडं फक्त 1200 अमेरिकन डॉलर आहे. भारतीय रुपयांमध्ये ते जवळपास एक लाख रुपये आहे. तुम्ही फक्त एक लाख रुपयांत युरोपपासून आशियापर्यंत प्रवास करू शकता आणि तीही लक्झरी ट्रॅनने. यात तुमच्या खाण्या-पिण्याची, राहण्याची सर्व व्यवस्था समाविष्ट आहे. असं समजा की जर तुम्ही सर्व देशांमध्ये विमानाने प्रवास केला तर तुम्हाला अनेक लाख रुपये खर्च करावे लागू शकतात.

बोटेन-विएंतियान रेल्वे लाइन उघडल्यामुळे हा युरोप ते आशियाचा प्रवास शक्य झाला आहे, जो चीनला दक्षिण पूर्व आशियाशी जोडतो. हा प्रवास पोर्तुगालच्या लागोस शहरातून सुरू होतो. त्यानंतर येथून स्पेनच्या उत्तरेकडच्या प्रदेशांमधून पॅरिसला जाते. पॅरिसहून प्रवाशांना युरोपमार्गे रशियाच्या राजधानी मॉस्कोला नेले जाईल. तिथून प्रवासी ट्रान्स-सायबेरियन रेल्वे लाइनवर रात्री प्रवास करतील आणि बीजिंगला पोहोचतील. इथून सर्व प्रवासी बोटेन-विएंतियान रेल्वे ट्रॅकमार्गे बँकॉकला पोहोचतील. त्यानंतर ते मलेशियामार्गे सिंगापूरला पोहोचतील.

...पण तुम्ही आता बुक करू शकत नाही : तुम्ही आता बुक करू शकत नाही, कारण युक्रेनमधील सुरू असलेल्या युद्धामुळे हा प्रवास थांबवला गेला आहे. कारण या ट्रेन्स ज्या मार्गांवरून युरोपमध्ये जाते, तो भाग सध्या युद्धाच्या छायेखाली आहे. ही ट्रॅन रशियाच्या मॉस्कोलाही जाते, पण सध्या युद्धामुळे तिथली परिस्थिती चांगली नाही. रेल्वे प्रशासनाचे अधिकारी सांगतात की, "युद्ध संपल्यानंतर हा मार्ग पुन्हा सुरू केला जाईल.'