प्रेग्नेंट आहात? तर 'हे' सुरक्षित स्किनकेअर रूटीन तुमच्यासाठी; टाळा हानिकारक घटक अन् वापरा 'हे' नैसर्गिक उपाय!

गर्भधारणा हा आनंद आणि अपेक्षेचा काळ असतो, पण त्यासोबत अनेक बदल आणि आव्हाने देखील येतात, विशेषत: त्वचेच्या काळजीच्या बाबतीत. शरीरात मोठे हार्मोनल बदल होत असल्याने, गर्भवती महिलांनी वापरत असलेल्या प्रोडक्ट्सबद्दल जास्त सावधगिरी बाळगणे आवश्यक आहे. यांचा केवळ त्यांच्या स्वतःच्या आरोग्यावरच परिणाम होत नाही, तर ते विकसित होणाऱ्या बाळावरही परिणाम करू शकतात. एरोवेदाच्या सह-संस्थापिका तारु मयूर आणि डॉ. बत्राज हेल्थकेअरच्या वैद्यकीय सौंदर्यशास्त्र विभाग प्रमुख डॉ. वैशाली कामत यांनी गर्भधारणेदरम्यान सुरक्षित स्किनकेअरबद्दल उपयुक्त माहिती दिली आहे.