Do You Know: वॉटर प्यूरिफायरमधून निघणाऱ्या पाण्याचं काय करायचं? असा करता येईल पुनर्वापर

मुंबई: आजकाल बहुतांश घरांमध्ये आरओ वॉटर प्यूरिफायरचा मोठ्या प्रमाणावर वापर केला जातो. या यंत्राच्या मदतीने पाणी स्वच्छ आणि पिण्यायोग्य बनवते. यामुळे दुषित पाणी प्यायल्यामुळे होणारे अनेक आजारांपासून बचाव करता येते. दरम्यान या यंत्रामुळे अनेकांना एका सामान्य समस्येचा सामना करावा लागतो. ती समस्या म्हणजे हे यंत्र पाणी स्वच्छ करत असताना मोठ्या प्रमाणावर दुषित पाणी बाहेर पडत असते. अनेकजण हे पाणी फेकून देतात. यामुळे पाणी तर वाया जातेच पण त्याचबरोबर पर्यावरणाचीही हानी होते. मात्र तुम्हाला माहित आहे का की हे पाणी आपण वेगवेगळ्या कामांसाठी वापरून पाण्याची बचतही करू शकतो.