Covid 19 ची भीती कायमस्वरुपी नष्ट होणार? अखेर शास्त्रज्ञांनी शोधून काढला प्रभावी उपाय

कोरोना व्हायरसचा प्रतिकार करण्यासाठी सुरू असलेल्या संशोधनात शास्त्रज्ञांना मोठं यश मिळालं आहे. शास्त्रज्ञांनी एका नवीन अँटिबॉडीचा शोध लावला आहे. ही अँटिबॉडी कोरोनाच्या प्रत्येक व्हेरियंटचा सामना करू शकते. साधारण चार वर्षांपूर्वी संपूर्ण जगात कोरोना व्हायरसमुळे कोविड-19 महामारी पसरली होती. त्यात कोट्यवधी लोकांचा मृत्यू झाला होता. शास्त्रज्ञांनी कोरोना व्हायरसचा सामना करण्यासाठी काही लसी देखील बनवल्या होत्या. पण, भविष्यात कोरोनाचे नवीन आणि प्राणघातक व्हेरियंट अस्तित्वात आले तर त्यांचा सामना कसा करायचा? हा प्रश्न टिकून होता. पण, आता शोध लागलेल्या अँटिबॉडीमुळे शास्त्रज्ञांना या प्रश्नाचं उत्तर मिळालं आहे. 'न्यूज 24 ऑनलाइन'ने याबाबत वृत्त प्रसिद्ध केलं आहे.