ठाणे जिंकण्यासाठी गणेश नाईक, बारामती जिंकण्यासाठी मुरलीधर मोहोळ, भाजपकडून निवडणूक प्रभारींची घोषणा

मुंबई : राज्यातील स्थानिक स्वराज्य संस्थांच्या निवडणुकांची प्रक्रिया अखेर सुरू झाली असून मंगळवारी राज्य निवडणूक आयोगाने नगर परिषद आणि नगर पंचायतीच्या निवडणुकांचा कार्यक्रम जाहीर केला. त्यानंतर राजकीय हालचालींना वेग आलेला असून कायम निवडणुकीसाठी तयार असणाऱ्या भारतीय जनता पक्षाने २४ तासाच्या आत विभागानुसार निवडणूक प्रभारींची घोषणा केली आहे. महत्त्वाचे म्हणजे राज्यातील सत्तेत असणाऱ्या एकनाथ शिंदे यांच्या ठाण्यात गणेश नाईक तर अजित पवार यांच्या बारामतीत मुरलीधर मोहोळ यांच्याकडे निवडणुकीची जबाबदारी देऊन भाजपने आगामी काळातील इरादे स्पष्ट केले आहे. त्यामुळे स्थानिक स्वराज्य संस्थांच्या निवडणुकांत विरोधी पक्षासोबत जेवढा संघर्ष होईल तितकाच संघर्ष महायुतीतही होणार असल्याचे अटळ आहे.