तुमचा राजघराण्यात जन्म, संभाजीराजेंच्या बलिदानदिनी कार्यकर्ते DJ लावतात, बिचुकलेंनी शिवेंद्रराजेंना सुनावले

छत्रपती संभाजी महाराजांच्या बलिदानदिनी मंत्र्यांचे कार्यकर्ते डॉल्बी लावून गाणे वाजवत असाल तर ही लज्जास्पद गोष्ट आहे. मंत्री शिवेंद्रराजे यांचा वाढदिवस 30 मार्चला असतो. शिवेंद्रराजे तुम्ही राजघराणात जन्माला आला त्याची तुम्हाला किंमत आहे का? छत्रपती घराण्यात जन्माला येऊन तुम्ही छत्रपती संभाजी महाराजांचां अपमान करत आहे. त्यामुळे तुम्ही मंत्रिपदाचा राजीनामा द्यावा, अशी मागणी अभिजीत बिचुकले यांनी केली आहे.

वाढदिवस ३० मार्चला असताना संभाजी महाराजांच्या बलिदानदिनी तुम्ही डीजेचा दणदणाट करून वाढदिवस साजरा करीत असाल तर तुम्हाला राजघराण्यात जन्म झाल्याची किंमत आहे का? असा सवाल बिचुकले यांनी केला.

साताऱ्यात वाढदिवसाचे अनधिकृत बॅनर लावता, मंत्री झालात म्हणून एवढा मोठा वाढदिवस साजरा करता, पण एवढं लक्षात ठेवा की तुमच्या यशात माझाही फार मोठा वाटा आहे, वेळ आल्यावर मी सगळ्या गोष्टी जगासमोर सांगतो, असा इशाराही त्यांनी जाताजाता दिला.