मुलीला मांडीवर चटके देणार गुंजाळ महाराज अट्टल रंगीला, तरुणींसोबत करायचा घाणेरडं कृत्य; कुंडली समोर

अहिल्यानगर : अहिल्यानगर जिल्ह्यातील पारनेर तालुक्यात धक्कादायक आणि संतापजनक प्रकार समोर आला आहे. ढवळपुरी येथील श्री दुर्गादेवी वारकरी शिक्षण संस्थेचे अध्यक्ष आणि कीर्तनकार यशवंत एकनाथ थोरात उर्फ अण्णासाहेब गुंजाळ महाराज यांच्यावर 17 वर्षीय अल्पवयीन मुलीवर मागील पाच वर्षांपासून अत्याचार केल्याचा गंभीर आरोप करण्यात आला आहे. पीडित मुलीच्या भावाने दिलेल्या फिर्यादीवरून आरोपीविरोधात अत्याचार आणि पोस्को कायद्याअंतर्गत गुन्हा दाखल करण्यात आला असून पोलिसांनी आरोपीला अटक केली आहे. धक्कादायक बाब म्हणजे यापूर्वीही अत्याचाराचे दोन गुन्हे दाखल असून त्यामध्ये एका गुन्ह्यात तो निर्दोष सुटला आहे तर दुसरं गुन्ह्याचं प्रकरण न्यायालयात सुरू आहे