अजितदादा पुन्हा अध्यक्ष बनले, पण मुरलीधर मोहोळांशी कोणत्या वाटाघाटी? त्या बैठकीची inside Story

मुंबई : राष्ट्रवादी काँग्रेसचे अध्यक्ष तथा राज्याचे उपमुख्यमंत्री अजित पवार यांची महाराष्ट्र ऑलिंपिक असोसिएशन (MOA) चे अध्यक्ष म्हणून निवड झाली आहे. त्यांच्या पॅनेलमधील आदिल सुमारिवाला, प्रदीप गंधे आणि प्रशांत देशपांडे हे तिघे उपाध्यक्षपदासाठी निवडणूक न होता निवडले गेले. मुरलीधर मोहोळ हे अध्यक्षपदासाठी इच्छुक होते, मात्र मुख्यमंत्री फडणवीस यांच्या प्रमुख उपस्थितीत महायुतीच्या नेत्यांच्या बैठकीत तोडगा काढून अजित पवार यांना अध्यक्षपद देण्याचे ठरले. अजित पवार आणि मोहोळ गटाला प्रत्येकी दोन वर्षांचे अध्यक्षपद देण्याचा निर्णय झाला आहे.