Ajit Pawar Plane Crash: व्हीएसआर कंपनी, डीजीसीए आणि 'तो' अपघात... गुप्तवार्ता विभागाच्या हाती काय लागलं? आज गुप्तवार्ता विभागाची पत्रकार परिषद

राष्ट्रवादी शरद पवार गटाचे आमदार रोहित पवार यांनी मागील काही दिवसांपासून विमान अपघात प्रकरणात तांत्रिक माहिती सादर करत अपघातावर शंका उपस्थित केली आहे. अजित पवार यांनी व्हीएसआर कंपनीचे विमान वापरलं होतं. या विमानाला अपघात झाला. व्हीएसआर कंपनी आणि डीजीसीएच्या अधिकाऱ्यांचं साटंलोटं असल्याचा आरोप करण्यात आला. रोहित पवार यांनी या विमान अपघात प्रकरणी व्हीएसआर कंपनीसह इतरांवर एफआयआर दाखल करण्याची मागणी केली. मुंबईतील मरीन ड्राइव्ह पोलीस ठाणे आणि पुण्यातील बारामती पोलीस ठाण्यात रोहित पवारांनी ठिय्या एफआयआरसाठी आक्रमक भूमिका घेतली. मात्र, त्यांची तक्रार नोंदवण्यात आली. एफआयआर घेण्यात आला नाही.

या सगळ्या घडामोडींच्या पार्श्वभूमीवर आज दुपारी ३ वाजता राज्य गुप्तवार्ता विभागाचे अतिरिक्त पोलीस महासंचालक पत्रकार परिषदेत महत्त्वाची माहिती देणार असल्याचे समजते.

अजित पवार यांच्या निधनानंतर हा केवळ अपघात होता की घातपात, याबाबत राजकीय वर्तुळात आणि जनतेत अनेक तर्कवितर्क लढवले जात आहेत. आमदार रोहित पवार यांनी उपस्थित केलेले प्रश्न आणि व्हीएसआर कंपनीवर झालेले आरोप या पार्श्वभूमीवर गुप्तवार्ता विभाग काय माहिती समोर ठेवणार, याकडे संपूर्ण महाराष्ट्राचे लक्ष लागले आहे.