Rupali Chakankar : अशोक खरातला बेड्या, रुपाली चाकणकर 'फरार'? राष्ट्रवादीच्या महिला नेत्याच्या दाव्याने मोठी खळबळ

अभिजीत पोते, प्रतिनिधी, पुणे: नाशिकमधील स्वयंघोषित अंकशास्त्रज्ञ आणि गुरू कॅप्टन अशोक खरात याला बलात्काराच्या आरोपाखाली अटक झाली. मात्र, त्याचे राज्यातील राजकारण्यांसोबत असलेल्या संबंधावरून मोठी खळबळ उडाली. राज्य महिला आयोगाच्या अध्यक्षा रुपाली चाकणकर यांचे त्याच्याशी चांगले संबंध असल्याच्या आरोपांचा धुरळा उडाला. आता या प्रकरणी मोठी माहिती समोर आली आहे. कॅप्टन अशोक खरातने केलेल्या लैंगिक अत्याचाराच्या प्रकरणाची झळ थेट रुपाली चाकणकर यांच्यापर्यंत पोहोचली आहे. रुपाली चाकणकर या फरार असल्याचा दावा त्यांच्याच पक्षाच्या नेत्या रुपाली पाटील-ठोंबरे यांनी केला आहे. यामुळे चांगलीच खळबळ उडाली आहे.