Nashik: अशोक खरातची बायको पोलिसांच्या हातावर तुरी देऊन पळाली, नाशिक पोलीस पुण्याच्या दिशेनं रवाना

शिर्डीमध्ये जमीन खरेदी प्रकरणात अशोक खरातसह त्याची बायको आणि इतर ३ जणांवर गुन्हे दाखल झाले होते. पोलिसांनी सकाळीच २ जणांना अटक केली होती. पण, अशोक खरातची पत्नी कल्पना खरात फरार झाल्याची माहिती आता समोर आली आहे.  शिर्डी पोलिसांत फसवणुकीचा गुन्हा दाखल झाल्यानंतर कल्पना खरात फरार झाली आहे.  कल्पना खरातला अटक करण्यासाठी शिर्डी पोलीस कल्पना खरातच्या मागावर आहे.  कल्पना खरातच्या अटकेसाठी दोन पथकं नाशिक आणि पुण्याच्या दिशेनं रवाना झाली आहे. त्यामुळे आता अशोक खरात याची पत्नी कल्पना खरात हिला कोणत्याही क्षणी अटक होण्याची शक्यता आहे.

तसंच, "या गुन्ह्याचा सविस्तर तपास शिर्डी पोलीस करत आहे, जे काही पैशांचे व्यवहार आहे, जो तक्रारदार आहे, त्याला सावकारीच्या नात्याने पैसे दिले होते. एक मोठा व्याजदराने पैसे दिले होते. आणि त्याच्या बदल्यात जमिनीची खरेदी करून घेतली आहे.शिर्डी पोलीस या प्रकरणाचा बारकाईने तपास करत आहे. एकूण अशोक खरात, त्याची पत्नी आणि आणखी ३ जण आहे. यापैकी दोघांना अटक केली आहे. अशोक खरातला देखील न्यायालयाच्या परवानगीनंतर ताब्यात घेणार आहोत, असंही  सोमनाथ वाकचौरे यांनी सांगितलं होतं.