Summer Special Trains: उन्हाळ्याच्या सुट्टीत चलो गोवा! मध्य रेल्वेवर धावणार विशेष एक्स्प्रेस, असं आहे नियोजन

मुंबईतून थेट कोकण आणि गोव्यात जाण्यासाठी, समुद्र किनाऱ्यावर मौजमजा करण्यासाठी या विशेष रेल्वेचा पर्यटकांना फायदा होणार आहे. येत्या 5 एप्रिलपासून प्रत्येक आठवड्याला मुंबई- गोवा या मार्गावर विशेष ट्रेन चालवली जाणार आहे. त्यामुळे प्रत्येक प्रवाशाला दिलासा मिळण्याची शक्यता आहे. 01119 डाऊन लोकमान्य टिळक टर्मिनसवरून दर रविवारी मध्यरात्री 12.55 मिनिटांनी सुटणारी ही हॉलिडे स्पेशल एक्सप्रेस दुसऱ्या दिवशी दुपारी मडगाव रेल्वे स्थानकावर पोहोचणार आहे. तर, 01120 अप मडगाव रेल्वे स्थानकावरून दर शुक्रवारी सायंकाळी 4 वाजता सुटणार आहे. तर हिच ट्रेन आता लोकमान्य टिळक टर्मिनसला दुसऱ्या दिवशी मध्यरात्री 03.30 वाजता पोहोचणार आहे.

जर तुमचाही गोवा किंवा कोकण फिरण्याचा प्लॅन असेल तर, नक्कीच या एक्सप्रेसचा तुम्ही विचार करू शकणार आहेत. ही हॉलिडे स्पेशल एक्सप्रेस ठाणे, दिवा, पनवेल, पेण, रोहा, माणगाव, चिपळूण, संगमेश्वर, रत्नागिरी, राजापूर रोड, वैभववाडी, कणकवली, सिंधुदुर्ग, कुडाळ, सावंतवाडी आणि करमाळी सारख्या मुख्य स्थानकांवर थांबणार आहे. टू टियर एसी कोच 2, थ्री टियर एसी कोच 8, स्लीपर कोच 4, जनरल कोच 6 आणि जनरेटर कार 2 असं संपूर्ण एक्सप्रेसच्या डब्ब्यांची स्थिती असणा आहे. उन्हाळ्यामध्ये सर्वच शाळकरी मुलांना आणि महाविद्यालयीन तरूणांना सुट्ट्या असतात. उन्हाळ्याच्या सुट्ट्यांच्या दिवसांमध्ये जर तुमचाही कोकण किंवा गोवा फिरण्याचा प्लॅन असेल तर आवर्जुन हा प्लॅन तुम्ही करू शकणार आहेत.