Manoj Jarange Patil : 'सगेसोयरे म्हणजे...' मनोज जरांगे पाटलांनी सांगितली व्याख्या म्हणाले..

मराठा समाजाला आरक्षण मिळावं अशं स्वप्न विनायक मेटे साहेब यांचे होतं. मराठा आरक्षणासाठी मेटे साहेब यांचे बलिदान मराठा समाज विसरणार नाही. बलिदान वाया जावू द्यायचे नाही. मागे हटायच नाही, कितीही संकटे येवू द्या. 90% नाही तर 100% मराठा मोठा करण्यासाठी प्रयत्न करणार आहे. मी प्रामाणिकपणाने सांगतो मी कधीच जातीवाद केला नाही. आमच्या हक्काच मिळू देणार नसाल तर जातीवाद कोण करतंय ते पहा. मराठवाड्यात 1884 पासुन मराठ्यांना आरक्षण होतं. मराठा समाजाला अगोदर आरक्षण होतं. 57 लाख नोंदी मराठ्याच्या आहेत. त्या रद्द करा म्हणतायेत मग खरा जातीवादी कोण? असा प्रश्न जरांगे पाटील यांनी उपस्थित केला.

जरांगे म्हणाले, की 1967 ला 83 नंबरवर मराठा होता. 180 च्या नंतर पोट जाती घातल्या कशा? माळी बागवान आणि कुनाबी शेती करतात म्हणुन आरक्षण. मी खर बोलतो माझ्या मनात कपट नाही. मराठा आणि कुणबी एक आहे, 2004 च्या कायद्यात सुधारणा करा. व्यवसाय एक मग पोटजात का होत नाही? सरसकटऐवजी नवीन शब्दासाठी जज आणले. सरसकट नको, सगेसोयरे म्हणजे सरसकट. सगेसोयऱ्याची व्याख्या आमच्या पद्धतीने घ्या. लग्नाच्या सोयरीकिने जोडलेले संबंध म्हणजे सगे सोयरे, अशी नवीन व्याख्या मनोज जरांगे यांनी सांगितली आहे.