'निलेश राणेंवर जर हल्ला करायचा असता तर..'; दगडफेकीच्या घटनेनंतर भास्कर जाधवांनी सगळा घटनाक्रम सांगितला

निलेश राणे यांच्यावरती जर हल्ला करायचा होता तर मी ते माझ्या कार्यालयासमोरून जात असतानाच केला असता. त्यांनी पलीकडच्या रस्त्यावरून इकडे येण्याची गरजच काय होती?सभा गुहागरला होती तर मग निलेश राणे यांनी चिपळूणला माझ्या कार्यालयासमोर येण्याची गरज काय होती.

दरम्यान   चिपळूणमधील दगडफेक प्रकरणात पोलिसांनी मोठी कारवाई केली आहे. या प्रकरणात शिवसेना उद्धव बाळासाहेब ठाकरे गट आणि भाजपच्या तीनशे ते चारशे कार्यकर्त्यांविरोधात गुन्हा दाखल करण्यात आला आहे. शुक्रवारी रात्री उशिरा हा गुन्हा दाखल करण्यात आला. चिपळूनमधील घटनेनंतर पोलीस ॲक्शन मोडवर आले असून, दगडफेकीचे व्हिडीओ तपासून कारवाई करण्यात येणार असल्याची माहिती पोलिसांकडून देण्यात आली आहे.