नाशिक महापालिकेच्या महापौर-उपमहापौर पदासाठी भाजपकडून नावं जाहीर! कुणाच्या गळ्यात पडली माळ?

नाशिक : महापालिकेच्या महापौरपदाची निवडणूक येत्या शुक्रवारी (दि. ६) पार पडणार असून, त्याआधीच सत्तास्थापनेचे चित्र जवळपास स्पष्ट झाले आहे. महापालिकेत भाजपचे तब्बल ७२ नगरसेवक निवडून आल्याने महापौर आणि उपमहापौर ही दोन्ही पदे भाजपकडे जाणार, हे निश्चित मानले जात होते. त्याच पार्श्वभूमीवर मंगळवारी मंत्री गिरीश महाजन यांच्या उपस्थितीत भाजपच्या सर्व नगरसेवकांची महत्त्वपूर्ण बैठक पार पडली. या बैठकीत महापौर व उपमहापौर पदासाठीची नावे अंतिम करण्यात आली.