Mumbai : 'फेसबुकवर मैत्री केली अन् ज्योतिष विद्या येते सांगून...', खरातनंतर मुंबईतही दोन भोंदू बाबांचं बिंग फुटलं

मालाडमधील मालवणी परिसरात एका 36 वर्षीय विवाहित महिलेसोबत हा प्रकार घडलेला आहे. जिथं विवाहित महिला फेसबूकवरुन एका तरुणाच्या संपर्कात आली. त्याने स्वत:ला ज्योतिषी आहे असं सांगत विश्वास जिंकला. त्यानंतर भेटून पुजा-विधींच्या नावाखाली पैसेही घेण्यास सुरुवात केली.धक्कादायक बाब म्हणजे त्याने तिच्यासोबत फोटो काढून ते व्हायरल करण्याची वारंवार धमकी दिली. या भीतीनेते विवाहितेसोबत लैंगिक शोषण सुरु केले आणि पुन्हा-पुन्हा पैसे उकळले. यात विवाहितेने दागिने गहाण ठेवून आणि कर्ज काढून सुमारे 33 लाख रुपये त्याला दिले.

दुसऱ्या प्रकरण हे शीव येथील 22 वर्षीय तरुणीसोबत घडलं आहे. जिथं तिला इस्टाग्रामवर जाहिरात दिसली. सर्व समस्या दूर करुन देण्यात येतील असे सांगत एका व्यक्तीने तरुणीशी संपर्क साधला. सुरुवातील विविध धार्मिक विधींच्या नावाखाली त्याने 25 हजार रुपये घेतले. मग परत एकदा भीती दाखवून पैशांची अधिक मागणी केली. शेवटी घाबरलेल्या तरुणीने घरातील होते ते दागिने विकले आणि त्याला 16 लाख रुपये दिले. अखेर तरुणीला संशय आल्यावर स्वत:हा सायबर पोलिसांकडे जात तक्रार दाखल केली.