YouTube वर पाहिलं अन्..., वॉर्डबॉयचं भयंकर कांड, संभाजीनगरच्या 'त्या' प्रकरणात मोठी कारवाई

छत्रपती संभाजीनगर : नारेगाव परिसरात समोर आलेल्या अवैध गर्भपात आणि लिंगनिदान प्रकरणात एमआयडीसी सिडको पोलिसांनी मोठी कारवाई करत मुख्य सूत्रधार डॉ. सतीश सोनवणे याच्या दोन निकटवर्तीयांना शनिवारी (29 मार्च) पिसादेवी भागात सापळा रचून अटक केली. राहुल माणिकराव झोंड (वय 28, मयूर पार्क) आणि सोमनाथ परसराम वारसे (वय 31, कमळापूर, वाळूज) अशी अटकेतील आरोपींची नावे आहेत. विशेष म्हणजे राहुल हा फक्त बारावीपर्यंत शिक्षित असून त्याने यूट्यूबच्या माध्यमातून लिंगनिदान करण्याची पद्धत शिकल्याचे समोर आले आहे. या संपूर्ण रॅकेटमधील सदस्य व्हॉट्सअॅप कॉलद्वारे एकमेकांशी संपर्कात होते.