Sidramappa Patil: अक्कलकोटचे माजी आमदार सिद्रामप्पा पाटील यांचं निधन, 88 व्या वर्षी घेतला अखेरचा श्वास

सोलापूर: अक्कलकोट विधानसभा मतदारसंघाचे माजी आमदार, भाजपचे ज्येष्ठ नेते आणि सहकार क्षेत्रातील खंबीर नेतृत्व सिद्रामप्पा पाटील यांचे गुरुवारी रात्री उशिरा अल्पशा आजाराने निधन झालं. मागील काही दिवसांपासून सिद्रामप्पा पाटील यांच्यावर सोलापुरातील एका खासगी रुग्णालयात उपचार सुरू होते. गुरुवारी रात्री उशिरा त्यांची प्राणज्योत मालवली. ते ८८ वर्षांचे होते. सिद्रामप्पा पाटील यांच्या निधनाने अक्कलकोट तालुक्यासह सोलापूर जिल्ह्यातील राजकीय, सामाजिक आणि सहकार क्षेत्रात मोठी शोककळा पसरली आहे.