नाशिकमध्ये भाजप कार्यकर्त्यांचा उद्रेक, शहराध्यक्षलाच ठेवलं डांबून, राजकारणात खळबळ

नाशिक: महापालिका निवडणुकीत तिकीट नाकारल्याच्या कारणातून विविध राजकीय पक्षांमधील अंतर्गत कलह चव्हाट्यावर येऊ लागला आहे. नाशिकमध्ये भारतीय जनता पक्षात उमेदवारी वाटपावरून मोठा उद्रेक बघायला मिळाला. निष्ठावंतांना डावलल्याच्या रागातून संतप्त पदाधिकाऱ्यांनी नाशिकचे शहराध्यक्ष सुनील केदार आणि मंडलाध्यक्ष शांताराम घंटे यांना नाशिकरोड येथील पक्ष कार्यालयात चक्क डांबून ठेवले. या घटनेमुळे राजकीय वर्तुळात मोठी खळबळ उडाली असून, पोलिसांच्या हस्तक्षेपानंतर दोघांची सुटका करण्यात आली.