Team India : 2025 मध्ये सर्वाधिक कमाई करणारे क्रिकेटर... टॉप-10 मध्ये फक्त एक परदेशी, 9 भारतीय!

बीसीसीआयचे केंद्रीय करार, आयपीएल शुल्क आणि मोठ्या प्रमाणात ब्रँड एंडोर्समेंट्स यांच्या संयोजनामुळे भारतीय क्रिकेट अर्थव्यवस्था मजबूत झाली आहे, ज्यामुळे खेळाडूंचं उत्पन्नही वाढलं आहे.

मीडिया रिपोर्ट्सनुसार, भारताचा माजी कर्णधार विराट कोहली या वर्षी जगातील सर्वाधिक कमाई करणारा क्रिकेटपटू ठरला आहे. 2025 मध्ये त्याचे एकूण उत्पन्न 250 ते 300 कोटी रुपये असल्याचा अंदाज आहे. यापैकी सुमारे 21 कोटी रुपये आयपीएल फ्रँचायझी आरसीबीकडून, सुमारे 7 कोटी रुपये बीसीसीआय करारांमधून आणि विविध प्रसिद्ध ब्रँडसोबतच्या करारांमधून झालं आहे.

रोहित शर्मा यादीत दुसऱ्या स्थानावर आहे. त्याचे अंदाजे वार्षिक उत्पन्न 150 ते 180 कोटी रुपये आहे. आयपीएल, केंद्रीय करार आणि वेगवेगळे ब्रँड हे रोहितच्या उत्पन्नाचे मुख्य स्रोत आहेत. तिसऱ्या क्रमांकावर असलेल्या ऋषभ पंतने 2025 मध्ये क्रिकेट आणि जाहिरातींमधून सुमारे 100 ते 120 कोटी रुपये कमावले असल्याचे म्हटले जाते.

जसप्रीत बुमराह आणि हार्दिक पंड्या अनुक्रमे चौथ्या आणि पाचव्या क्रमांकावर आहेत. बुमराहचे अंदाजे उत्पन्न 90 ते 110 कोटी रुपये आहे, तर हार्दिकचे उत्पन्न 80 ते 100 कोटी रुपये आहे. श्रेयस अय्यरनेही 70 ते 85 कोटी रुपयांच्या अंदाजे उत्पन्नासह सहाव्या क्रमांकावर लक्षणीय वाढ केली आहे.

युवा स्टार्समध्ये शुभमन गिल आणि केएल राहुल देखील उत्पन्नाच्या बाबतीत पुढे आहेत. रवींद्र जडेजा देखील यादीत आहे. गिलचे उत्पन्न 50-65 कोटी रुपयांच्या दरम्यान आहे, राहुलचे उत्पन्न 45-55 कोटी रुपयांच्या दरम्यान आहे आणि जडेजाचे उत्पन्न 40-50 कोटी रुपयांच्या दरम्यान आहे. या आकड्यांवरून जागतिक क्रिकेटच्या अर्थव्यवस्थेवर भारतीय क्रिकेटपटूंचाच सर्वाधिक प्रभाव आहे, हे स्पष्ट होत आहे.

भारतीयांचे वर्चस्व असूनही एका परदेशी क्रिकेटपटूनेही अव्वल यादीत स्थान मिळवले आहे. ऑस्ट्रेलियन कर्णधार पॅट कमिन्स हा सर्वाधिक कमाई करणाऱ्यांमध्ये एकमेव परदेशी खेळाडू आहे, ज्याने 60 ते 75 कोटी रुपये कमावले आहेत. यापैकी सनरायझर्स हैदराबादकडून मिळालेलं मानधन उल्लेखनीय आहे.

आयसीसीच्या खेळाडू आणि खेळाडूंच्या सहाय्यक कर्मचाऱ्यांसाठीच्या आचारसंहितेच्या कलम 2.22 चं उल्लंघन टीम इंडियाने केलं आहे. त्यामुळे टीम इंडियावर म्हणजेच संपूर्ण 11 खेळाडूंवर कारवाई करण्यात आली आहे.