शिवसेना ठाकरे गटाचे तीन उमेदवार नॉट रिचेबल, संपर्क प्रमुखांचा दावा, जळगावात खळबळ

जळगाव महापालिका निवडणुकीत भाजपचा एक उमेदवार आणि शिवसेना शिंदे गटाचे तीन उमेदवार बिनविरोध झाले.

यात शिंदे गटाचे आमदार चंद्रकांत सोनवणे यांचे पुत्र गौरव सोनवणे यांच्या विरोधात असलेल्या शिवसेना ठाकरे गटाच्या उमेदवाराने उमेदवारी अर्ज मागे घेतल्याने शिंदे गटाचे उमेदवार गौरव सोनवणे बिनविरोध झाले आहे.

मात्र माघार घेणारा ठाकरे गटाचा उमेदवार हा नॉट रिचेबल असून यासह ठाकरे गटाचे अजूनही तीन उमेदवार असल्याचा आरोप शिवसेना ठाकरे गटाचे जिल्हा संपर्कप्रमुख संजय सावंत यांनी केला आहे.

ठाकरे गटाच्या पार्वताबाई भिल आणि सागर पाटील या उमेदवारांसह अन्य एक उमेदवार बेपत्ता झाला आहे.

महायुतीचा उमेदवार बिनविरोध व्हावा यासाठी ठाकरे गटाच्या उमेदवारांवर दबाव टाकला जात असल्याचा अप्रत्यक्ष आरोप संजय सावंत यांनी केला आहे.