Tilak Varma : 41 वर्षाच्या खेळाडूने 23 वर्षांच्या तिलकला लाजवलं, अहमदाबादच्या स्टेडियममध्ये सन्नाटा, Video

अहमदाबाद : टी-20 वर्ल्ड कपमध्ये भारताने ग्रुप स्टेजच्या त्यांच्या शेवटच्या सामन्यात नेदरलँड्सचा 17 रननी पराभव केला आहे, याचसोबत भारताने ग्रुप स्टेजमधले त्यांचे सर्व 4 सामने जिंकले आहेत. शिवम दुबे आणि वरुण चक्रवर्ती भारताच्या विजयाचे शिल्पकार ठरले. शिवम दुबेने 31 बॉलमध्ये 212.90 च्या स्ट्राईक रेटने 66 रन केले, ज्यात 6 सिक्स आणि 4 फोरचा समावेश होता, याशिवाय त्याने बॉलिंगमध्येही 2 विकेट घेतल्या. या कामगिरीबद्दल त्याला प्लेअर ऑफ द मॅच देऊन गौरवण्यात आलं. याशिवाय वरुण चक्रवर्तीने 3 ओव्हरमध्ये फक्त 14 रन देऊन 3 विकेट घेतल्या.