Buldhana : भाजप नेते आणि माजी आमदाराच्या गाडीला अपघात, रुग्णालयात उपचार सुरू

याबाबत मिळालेली माहिती अशी की, विजयराज शिंदे हे अमरावती येथे खासदार भोंडे यांच्या भेटीसाठी निघाले होते. अकोल्यात समोरून येणाऱ्या बसने शिंदे यांच्या कारला धडक दिली. यानंतर कारच्या समोरील भागाचे मोठे नुकसान झाले आहे. कारला बस धडकताच एअरबॅग उघडल्याने जीवित हानी टळली. स्वतः शिंदे आणि त्यांचा कारचालक दोघेही जखमी झाले आहेत.

विजयराज शिंदे यांच्या कारला ज्या बसने धडक दिली तो मोबाईलवर बोलत असल्याचं सांगण्यात येत आहे. कारचा अपघात होण्याआधी विजयराज शिंहे यांनी अकोला दौऱ्यावर असलेल्या उपमुख्यमंत्री देवेंद्र फडणवीस यांची विमानतळावर भेट घेतली होती. या भेटीनंतर खासदार भोंडे यांच्याकडे जात असताना दुपारी 12 वाजेदरम्यान हा अपघात घडला. दरम्यान शिंदे यांचे अनेक समर्थक अकोला कडे रवाना झाल्याचे कळते.