गणपती मिरवणुकीवेळी वीजेचा शॉक, बुलढाण्याच्या विद्यार्थ्याचा ओडिशात मृत्यू; VIDEO VIRAL

याबाबत मिळालेली माहिती अशी की, ओडिसातील महाविद्यालयात गणपतीची मूर्ती प्राणप्रतिष्ठापना कऱण्यासाठी आणली जात होती. गणपतीची वाजत गाजत मिरवणूक ट्रॅक्टरमधून काढत होते. तेव्हा मिरवणुकीत ट्रॅक्टरमध्ये उभा राहून तरुण झेंडा फिरवत होता. झेंड्याला असलेली एल्युमिनिअमची काठी ११ केव्हीच्या वीजेच्या तारांना लागली आणि ट्रॅक्टरमधील चार ते पाच जणांना वीजेचा जोरदार झटका बसला.

ट्रॅक्टरवर उभा असताना जोरदार वीजेचा धक्का बसताच तरुण विद्यार्थी खाली कोसळले. यात सोहम सावळे याचा जागीच मृत्यू झाला. सोहमच्या मृत्यूने बुलढाणा जिल्ह्यातली त्याच्या गावी शोककळा पसरली आहे. या घटनेचा व्हिडीओसुद्धा समोर आला असून त्यात क्षणात वीजेचा धक्का बसल्यानंतर तरुण खाली कोसळत असल्याचे दिसते.