ज्यांनी मराठा समाजाचा गळा घोटला आता तेच..; आरक्षणावरून मुख्यमंत्र्यांचा विरोधकांवर जोरदार हल्लाबोल

बुलढाणा, 3 सप्टेंबर, उदय तिमांडे : आज बुलढाण्यामध्ये शासन आपल्या दारी कार्यक्रमाचं आयोजन करण्यात आलं आहे. या कार्यक्रमाला मुख्यमंत्री एकनाथ शिंदे यांची उपस्थिती होती. यावेळी बोलताना एकनाथ शिंदे यांनी जालन्यातील घटनेवर प्रतिक्रिया देताना विरोधकांवर जोरदार हल्लाबोल केला आहे. जालन्यामध्ये जी घटना झाली त्याचं मला देखील दु:ख आहे. मात्र या घटनेची कारणमीमांसा न करताच आरोप केले जात आहेत. ज्यांनी मराठा समाजाचा गळा घोटला ते तिथे येऊन गेले, अशा शब्दात मुख्यमंत्री एकनाथ शिंदे यांनी विरोधकांवर हल्लाबोल केला.