बड्या बेड्या नेत्यांचा गुरू 'कॅप्टन खरात'वर कोणकोणते गुन्हे? पोलिसांच्या FIR मध्ये काय म्हटलंय?

अशोक खरातच्या विरोधात यापूर्वीच लूकआऊट नोटीस जारी करण्यात आल्याची माहिती आता समोर आली आहे. शिर्डी पोलिसांनी या प्रकरणाचा सुगावा लागल्यानंतर अशोक खरातवर आठ दिवस पाळत ठेवली होती अशी माहितीही मिळतीये. दरम्यान, या प्रकरणी पोलिसांकडून आता कसून तपास सुरू आहे.

B.N.S. कलम - 64(1),74,352,351(1) महाराष्ट्र नरबळी आणि इतर अमानुष अनिष्ट व अघोरी प्रथा व जादूटोणा यांना प्रतिबंध करण्याबाबत व त्यांचे समूळ उच्चाटन करण्याबाबत अधिनियम 2013 कलम 3(1),3(2)

गुन्हा घडला दिनांक- 01/11/2022 ते 17/12/2025 दरम्यान

गुन्हा दाखल दिनांक 17/03/2026 स्टेशन डायरी नंबर 31/2026

घटनास्थळ- ओकस प्रॉपर्टीज, कॅनडा कॉर्नर, नाशिक

आरोपी - अशोक कुमार एकनाथ खरात उर्फ कॅप्टन, वय 67 वर्षे, राहणार फ्लॅट नंबर 37, तृप्त बाला, सर्व्हे नंबर 777/2/1, कर्मयोगी नगर, तिडके कॉलनी, गोविंद नगर लिंक रोड, नाशिक

गुन्ह्याचा प्रकार- माहे नोव्हेंबर 2022 ते माहे डिसेंबर 2025 या कालावधीत ओकस प्रॉपर्टीज, कॅनडा कॉर्नर, नाशिक या ठिकाणी अशोक कुमार एकनाथ खरात उर्फ कॅप्टन या भोंदूगिरी करणाऱ्या मांत्रिक बाबांनी स्वत:कडे दैवी शक्ती असल्याचा खोटा दावा करून मंत्र तंत्र आणि धार्मिक विधीच्या नावाखालील फिर्यादी यांच्या मनात विश्वास निर्माण करून त्याचे वरील ऑफिसचे ठिकाणी बोलावून फिर्यादी यांचा धार्मिक विश्वासाचा फायदा घेऊन गुंगीकारक पदार्थ खायला आणि पाणी पिण्यास देऊन फिर्यादीस संमोहित करून आणि त्यानंतर फिर्यादीचे आयुष्य बरबाद करून टाकेन अशी धमकी देऊन फिर्यादीच्या पतीच्या मरणाची भीती घालून फिर्यादीची इच्छा नसताना फिर्यादीवर वारंवार बलात्कार केले म्हणून फिर्यादीची अशोक कुमार एकनाथ खरात उर्फ कॅप्टन राहणार फ्लॅट नंबर 37 तृप्त बाला, सर्व्हे नंबर 777/2/1, कर्मयोगी नगर, तिडके कॉलनी, गोविंद नगर लिंक रोड नाशिक या भोंदू बाबा विरुद्ध कायदेशीर फिर्याद आहे.

तपासी अधिकारी- पोलीस उपनिरीक्षक सुदाम सांगळे नेमणूक (गुन्हे युनिट 01)

भेट देणारे अधिकारी व अंमलदार यांचे नाव - पोलीस उपनिरीक्षक सुदाम सांगळे

दाखल करणारे अंमलदार/अधिकारी- पोलीस हवा/446 गायकवाड