Mayor Election: अडीच वर्ष महापौर पद नाहीतर..., ठाकरे गटाच्या अटीने खळबळ, 'मातोश्री'वर हालचालींना वेग, महापौरपदाचं आज ठरणार?

मुंबई: चंद्रपूर महानगरपालिकेच्या निकालांनी कोणत्याही एका पक्षाला स्पष्ट बहुमत न दिल्याने सत्तास्थापनेचा सस्पेन्स आता टोकाला पोहोचला आहे. महापालिकेत २७ जागांसह काँग्रेस सर्वात मोठा पक्ष ठरला असला, तरी बहुमताचा ३४ हा आकडा गाठण्यासाठी त्यांना अद्याप ७ नगरसेवकांची गरज आहे. दुसरीकडे २३ जागा जिंकलेल्या भाजपला सत्ता मिळवण्यासाठी ११ नगरसेवकांची जुळवाजुळव करावी लागणार आहे. या 'काँटे की टक्कर'मध्ये आता शिवसेना (ठाकरे गट) आणि वंचित बहुजन आघाडी 'किंगमेकर'च्या भूमिकेत आले आहेत. ठाकरे गट आणि 'वंचित'च्या आघाडीने चंद्रपूरच्या राजकारणात मोठा ट्विस्ट आला आहे.