छत्रपती संभाजीनगरमध्ये भाजपचे कोण कोण धुरंधर मैदानात, ९६ उमेदवारांची यादी

भारतीय जनता पक्षाला आमच्याशी युतीच करायची नव्हती, केवळ आम्हाला चर्चेत गुंतवून ठेवायचे होते, असा आरोप शिवसेनेने केला. तर संजय शिरसाट यांनी कुटुंबातील काही तिकिटांमुळे भाजपशी युती तोडली, असा आरोप मंत्री अतुल सावे यांनी केला. आरोप प्रत्यारोपांच्या गदारोळातच शिवसेना भाजपच्या उमेदवारांनी अर्ज भरले. युती विरुद्ध आघाडी असा सामना रंगू शकतो, असे बोलले जात असतानाच आता सेना-भाजपमध्येच आरोप प्रत्यारोपांच्या फैरी ऐकायला मिळू शकतात. तर महाविकास आघाडीही तुटल्याने सर्वच पक्षीय आपापल्या ताकदीवर लढतील.

छत्रपती संभाजीनगर महानगरपालिका निवडणुकीसाठी उमेदवारी अर्ज भरण्याच्या शेवटच्या दिवशी शहरात जोरदार राजकीय नाट्य रंगले. उमेदवारी न मिळालेल्या अनेक निष्ठावंतांनी आपापल्या नेत्यांवर गंभीर आरोप केले, तसेच पक्षाच्या कार्यालयात देखील जोरदार राडा झाला. कुणी आत्मदहन करण्याचा प्रयत्न केला तर कुणी नेत्यांना घेरून आपल्यावरील अन्यायाचा जाब विचारला.