Sambhajinagar News : ज्याला मानलं सर्वस्व, त्यानेच दिला नरकवास; 20 वर्षीय तरुणीवर ओढवला भयंकर प्रसंग

‎छत्रपती संभाजीनगर : प्रेमावर विश्वास ठेवलेल्या एका 20 वर्षीय तरुणीचा तो विश्वासच तिच्यासाठी भयावह ठरला. प्रेमसंबंधांचा गैरफायदा घेत एका तरुणाने तिच्यावर वारंवार जबरदस्तीने शारीरिक अत्याचार केले, मारहाण केली आणि लग्नासाठी दबाव टाकत मानसिक छळ केला. नकार दिल्यानंतर फोटो व्हायरल करण्याची आणि जिवे मारण्याची धमकी देत तिचे आयुष्य असुरक्षित केले. अखेर पीडित तरुणीने पोलिसांकडे धाव घेतली असून या प्रकरणी लोहरा पोलिस ठाण्यात गुन्हा दाखल करण्यात आला आहे. पुढील तपासासाठी हा गुन्हा शुक्रवारी वाळूज एमआयडीसी पोलिस ठाण्याकडे वर्ग करण्यात आला आहे.