काळाचा क्रूर घाला! पत्नीच्या डोळ्यादेखत पतीचा शेवटचा श्वास, पोटचा गोळा दवाखान्यात मृत्यूच्या दारात

या भीषण अपघातात जितेंद्र काळे यांच्या डोक्याला गंभीर दुखापत झाल्याने त्यांचा घटनास्थळीच मृत्यू झाला. तर पत्नी आणि सहा वर्षांचा मुलगा निखिल हे धडकेनंतर काही अंतरावर फेकले गेले, त्यामुळे ते दोघेही गंभीर जखमी झाले. या प्रकरणी मयताचे वडील हरिश्चंद्र झुंबर काळे यांच्या तक्रारीवरून पैठण पोलिस ठाण्यात संबंधित आरोपीविरुद्ध गुन्हा दाखल करण्यात आला आहे. पोलिस निरीक्षक महादेव गोमारे यांच्या मार्गदर्शनाखाली पोलिस उपनिरीक्षक वैभव सारंग, जमादार आढाव, हवालदार खिले, फरताळे, आढाट आणि पालवे यांनी घटनास्थळी पंचनामा केला.